Unrevealed Secrets of Sripada

సాధారణంగా దత్తాత్రేయుని విగ్రహం తో పాటు ఒక కామధేనువు(ఆవు) మరియు నాలుగు శరమములు (కుక్కలు) ఉంటాయి. కాని ప్రపంచములో ఒక్కచోట మాత్రమే వాయససహిత (కాకి) దత్తాత్రేయుడు ఉన్నాడు. ఆ చోటే మధ్యప్రదేశ్ లోని  ఇండోర్ టౌన్ లో ఉన్న నారాయణ్ బాగ్ దత్తమందిర్. ఈ వాయససహిత  దత్తాత్రేయుని ఆలయం 700 సంవత్సరాలనాటిదని చెపుతారు. ఇండోర్ కేంద్రంగా చేసుకుని పరిపాలించిన హోల్కార్ రాజుల కాలానికి ముందే ఈ ఆలయం ఉన్నట్లు చరిత్ర చెపుతోంది. . ఆది శంకరాచార్యులువారు సైతం తన శిష్య బృందంతో కలిసి ఈ ఆలయానికి వేంచేసినట్లు చరిత్ర చెపుతోంది. ఇక్కడ గురు దత్తాత్రేయ విగ్రహంతోపాటు ఓ కాకి, నాలుగు కుక్కలు మనకు దర్శనమిస్తాయి. దత్తాత్రేయుని ప్రక్కనే ఉండే కాకి భూమికి ప్రతీక అనీ, నాలుగు కుక్కలు నాలుగు వేదాలకు చిహ్నాలని ఇక్కడి శాసనాలలో చెప్పబడ్డాయి.

 దత్తాత్రేయుడు 'త్రిపుర రహస్య' గ్రంథకర్తగా పేరు పొందాడు, ఈ గ్రంధం అద్వైత వేదాంతాన్ని విశదీకరిస్తుంది.

దత్తాత్రేయుడు 'త్రిపుర రహస్య' గ్రంథాన్ని పరశురాముడికి అంకితం చేశాడు.

కర్నాటక లోని చిక్ మంగుళూరు జిల్లాలోగల బాబాబుడంగిరి దత్తపీఠం. ఇక్కడ దత్తాత్రేయుడు ముస్లిం పూజారుల (ఇమామ్) ద్వారా పూజలందుకుంటాడు.